გრიპის ეკონომიკა

გრიპის ისტორია გრიპის ვირუსი როგორ ხდება დაინფიცირება სიმპტომები გართულებები ჰოსპიტალიზაცია და სიკვდილიანობა დიაგნოსტიკა გრიპის ეკონომიკა ვიდეოკლიპი გრიპის შესახებ

• გრიპით ყოველწლიურად ავადმყოფობს მოსახლეობის 5-30%;
• გრიპი წარმოადგენს ზამთრის პერიოდში მოსამსახურეთა შრომისუნარიანობის დროებითი დაქვეითების ძირითად მიზეზს;
• გრიპის სიმპტომები – მაღალი ტემპერატურა, თავისა და ყელის ტკივილი, კუნთების ძლიერი ტკივილი, სისუსტე და გამოფიტულობა – იწვევს შრომისუნარიანობის დროებით დაკარგვას;
• საშუალოდ სიმპტომები გრძელდება 7 დღე, შრომის ნაყოფიერების დაქვეითება კი შეიძლება 2 კვირამდე გაგრძელდეს;
• ნებისმიერი ადამიანი შეიძლება დაავადდეს გრიპით, ისინიც, ვინც არ შედიან მომატებული რისკის ჯგუფში. სეზონური გრიპის რისკის ჯგუფში შედიან:
• სკოლის მოწაფეები;
• ასაკი >50 წელზე
• ორსულები;
• ბავშვები და მოზრდილები გულის, ფილტვის, თირკმლის, სისხლის ქრონიკული დაავადებებით, შაქრიანი დიაბეტით, თანდაყოლილი და შეძენილი იმუნოდეფიციტით;
• ბავშვები და მოზარდები, რომლებიც ხანგრძლივად იღებენ ასპირინს

• პოპულაციაში გრიპის ძირითადი სიმპტომების შემსუბუქება საშუალოდ ხდება 7 დღის შემდეგ(Mauskopf et at 1999);
• გრიპიანი პაციენტები სამსახურს აცდენენ საშუალოდ 4,9 დღის განმავლობაში (Kumpulainen and Makela 1997);
• გრიპით გამოწვეული პირდაპირი დანახარჯები სამედიცინო მომსახურებაზე შეადგენს $22,80 ერთ ადამიანზე, ხოლო დამქირავებლის დანახარჯი ყოველ გაცდენილ დღეზე შეადგენს $80 (Campbell and Rumley 1997). სხვა მონაცემებით გაცდენილი დღის ღირებულება $175,24 შეადგენს (Dille 1999);
• Burckel და კოლეგების (1999) მიხედვით, მოსამსახურის ასაკთან დაკავშირებით განსხვავებულია გრიპით გამოწვეული გაცდენილი დღეების რაოდენობა (1 დღე – 18-24 წლის ასაკში; 3 დღე - 25-35 წლის ასაკში; 4 დღე – 45 წელს ზემოთ ასაკში)

• მოსამსახურეები, რომლებიც გრიპის მიუხედავად აგრძელებენ მუშაობას ან შვებულებიდან გამოდიან სრულ გამოჯანმრთელებამდე, აღენიშნებათ შრომის ნაყოფიერების დაქვეითება;
• საშუალოდ მოსამსახურე სამუშაო ადგილს უბრუნდება 0.7 დღით ადრე, ვიდრე ეს საჭიროა (Keech et al. (1998);
• ამ 0.7 დღის განმავლობაში შრომისნაყოფიერება დაქვეითებულია 50%-ით (Nichol and colleagues 2001);
• გარდა მუშაობის ეფექტურობის დაქვეითებისა, ასევე მატულობს არასწორი გადაწყვეტილებების მიღების რისკი იმ შემთხვევებში, როცა მოსამსახურეები გრიპის მიუხედავად აგრძელებენ მუშაობას.